नेपाली कथनक चलचित्र ‘कबड्डी-४’ले रिलिज डेट तोकेको छ । केहीदिनअघि मात्रै निर्माणको औपचारिक घोषणा गरेको चलचित्र २०७८ सालको असोज १५ मा रिलिज हुने भएको हो । निर्माण टिमले असोज १५ लाई रिलिज डेट लक गरेको छ ।

पहिलो सिरिजबाटै दर्शकको राम्रो प्रतिकृया पाएको कबड्डीको यो अन्तिम सिरिज हुने निर्देशक रामबाबु गुरुङले बताएका छन् । बाँसुरी फिल्म प्रोडक्सनको ब्यानरमा निर्माण हुन लागेको यो चलचित्रको कथा निर्देशक गुरुङ स्वयंले लेखेका छन् ।

पछिल्लो समय धुर्मुस–सुन्तलीको चलचित्र ‘सेन्टी भाइरस’ निर्देशन गरेका गुरुङले अन्य चलचित्रको स्क्रिप्टमा पनि काम गरिरहेका छन् । तर, अन्य चलचित्रलाई पछाडि सारेर ‘कबड्डी–४’ को काममा लागेका छन् ।