सातौं संस्करणको प्रधानमन्त्री कप महिला भलिबलमा विभागीय टोली नेपाल एपिएफ क्लबले लगातार दोस्रो जित दर्ता गरेको छ ।
नेपालगञ्ज रंगशालाको कभर्ड हलमा आइतबारको खेलमा एपिएफले स्थानीय टोली लुम्बिनी युनाइटेडलाई ३–० को सोझो सेटमा हराएको हो ।
एकतर्फी बनेको खेलमा एपिएफले पहिलो सेट २५–८, दोस्रो सेट २५–१२ र तेस्रो सेट २५–८ ले आफ्नो पक्षमा पार्यो ।
एपिएफले पहिलो खेलमा अर्को विभागीय टोली त्रिभुवन आर्मी क्लबलाई ३–१ को सेटमा पराजित गर्दा लुम्बिनी पहिलो खेलमा आर्मी र दोस्रो खेलमा पुलिससँग समान ३–० को सोझो सेटमा पराजित भएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
