सातौं संस्करणको प्रधानमन्त्री कप महिला भलिबल अन्तर्गत सोमबारको विभागीय डर्बीमा नेपाल पुलिस क्लब विजयी भएको छ ।
नेपालगञ्ज रंगशालाको कभर्ड हलमा भएको खेलमा उत्कृष्ट पुनरागमन गर्दै पुलिसले त्रिभुवन आर्मी क्लबलाई ३–१ को सेटमा हराएको हो ।
पहिलो सेट २५–१५ ले गुमाएको पुलिसले दोस्रो सेट २५–१८, निकै प्रतिस्पर्धात्मक बनेको तेस्रो सेट २७–२५ र चौथो सेट २५–२३ ले जित्दै पुलिसले खेल आफ्नो पक्षमा पर्यो ।
प्रतियोगितामा लगातार तेस्रो जित निकालेको पुलिसले पहिलो खेलमा न्यु डायमन्ड एकेडेमीलाई ३–२ तथा दोस्रो खेलमा लुम्बिनी युनाइटेडलाई ३–० को सोझो सेटमा हराएको थियो ।
पहिलो खेलमा लुम्बिनीलाई ३–० को सोझो सेटमा हराएको आर्मी दोस्रो खेलमा नेपाल एपिएफ तथा तेस्रो खेलमा न्यु डायमन्ड एकेडेमीसँग समान ३–१ को सेटमा पराजित भएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।