राष्ट्रिय खेलकुद परिषद् (राखेप)को कार्यकारी समितिमा दुई सदस्य मनोनित भएका छन् । नयाँ नियुक्ति पाउने सदस्यहरुमा एकेन्द्र कुँवर र नन्दा बस्याल रहेका छन् ।

युवा तथा खेलकुदमन्त्री दावा लामा तामाङले बोर्ड सदस्य एकेन्द्र र नन्दालाई राखेपको कार्यकारी समितिमा मनोनित गरेका हुन् । मन्त्री तामाङले सोमबार दुवै जनालाई कार्यकारी समितिमा नियुक्त गर्ने निर्णय गरेका थिए ।

कार्यकारी समितिमा मनोनित भएका दुवैले नियुक्तिको पत्र प्राप्त गरिसकेका छन् । ऐन अनुसार मन्त्री तामाङले कुँवर र बस्याललाई कार्यकारी समितिमा नियुक्त गरेको मन्त्रालयले जनाएको छ ।

यसअघि, दुवै जनालाई मन्त्रीपरिषद् बैठकले बोर्ड सदस्यमा नियुक्त गरेको थियो । कुँवर सुदूरपश्चिम र नन्दालाई कर्णाली प्रदेशबाट प्रतिनिधित्व हुने गरी बोर्ड सदस्यमा नियुक्त गरिएको थियो ।