पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष डा. बाबुराम भट्टराई अहिलेका लागि सत्ता समीकरणभन्दा प्रधानमन्त्री केपी शर्मा ओलीलाई फल्नु पहिलो जिम्मेवारी भएको बताएका छन् ।
डा. भट्टराईले सामाजिक सञ्जालमार्फत अहिलेको यक्ष प्रश्न कोसँग सत्ता समीकरण गर्ने अथवा लाभ लिने भन्ने हुँदै नभएको बताएका छन् । उनले कोबाट अहिले बढी लाभ लिने भन्ने विषयमा प्रश्न गर्ने अवस्था नै नभएको बताए ।
तत्कालका लागि अधुरो संघीय लोकतान्त्रिक गणतन्त्रको गर्धनमाथि झुण्डिएको खड्गप्रसाद रूपी घातक खड्गलाई कसरी छिटो हटाउने भन्ने मुख्य कुरा भएको डा. भट्टराईको भनाइ छ ।
अहिले अगाडि आएको बाघलाई पहिले लघार्नुपर्नेमा डा. भट्टराईको जोड छ । उनी लेख्छन्, 'अगाडि आएको बाघलाई पहिले लघारौँ, पछाडिका स्यालहरूसँग लड्दै गरौँला । कुनै गल्ती नगरौं !'
ऐलेको यक्षप्रश्न कोसंग सत्तासमीकरण गर्ने वा कोबाट तत्काल बढी लाभलिने भन्ने हॅुदैहैन;अपितु अधूरो संघीय लोकतान्त्रिक गणतन्त्रको गर्धनमाथि झुण्डिएको खड्गप्रसादरूपी घातक खड्गलाई कसरी छिटो हटाउने भन्ने हो!अगाडि आएको बाघलाई पहिले लघारौ;पछाडिका स्यालहरूसंग लड्दै गरौंला!कुनै गल्ती नगरौं!
— Baburam Bhattarai (@brb1954) March 20, 2021
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
