गायत्री मन्त्रबारे हामीले विभिन्न समयमा विभिन्न कुराहरु सुन्दै आएका छौँ । अब पछिल्लो समय यही मन्त्रबारे नयाँ खुलासा भएको छ । त्यसो त यो प्रमाणित भइसकेको छैन तर भारतमा विज्ञान मन्त्रालयले नै यसको प्रयोगिताबारे अध्ययन गर्न थालेको छ । अनि यो अध्ययन जोडिएको छ, कोरोनाभाइरससँग । 

कोरोनाभाइरस संक्रमित व्यक्तिले गायत्री मन्त्रको उच्चारण गर्नु र प्राणायाम गर्दा छिटो स्वास्थ्य हुनेबारे अब अध्ययन हुन थालेको हो ।

इन्डियन काउन्सिल अफ मेडिकल रिसर्चको क्लिनिकल ट्रायल रजिस्ट्री बोर्डले यो अध्ययन सुरु गरेको हो । यसका लागि कोरोना संक्रमित २० जनामाथि अध्ययन थालिएको आजको भारतीय पत्रिका द हिन्दूमा प्रकाशित गरिएको छ ।