नेकपा एमाले ओली समूहको केन्द्रीय कमिटी बैठक अहिले बालुवाटारमा चलिरहेको छ । यसअघि बालुवाटारमा नै ओली पक्षका सांसदहरुको बैठक बसेको थियो । यो बैठकमा यसअघि नेपाल समूहमा भएको केही सांसद पनि पुगेका थिए । बैठकमा नेकपा एमाले उपाध्यक्ष वामदेव गौतम पनि पुगेका थिए ।
तर, संसदीय दलको बैठक सकिएको केही समयमा सुरु भएको नेकपा एमाले केन्द्रीय कमिटी बैठकमा गौतम उपस्थित भएका छैनन् ।
यसअघि संसदीय दलको बैठकमा गौतमले आफूलाई कुनै पार्टीको ह्विप नलाग्ने बताएका थिए । उनले आफू राष्ट्रपतिबाट राष्ट्रिय सभामा मनोनित भएकाले कसैको पनि ह्विप नलाग्ने बताएका हुन् ।
गौतम किन ओली समूहले बोलाएको बैठकमा सहभागी भएनन् भन्नेबारे विभिन्न अड्कलबाजी सुरु भएका छन् । तर, स्वयं गौतमले यसबारे केही बताएका छैनन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
