पूर्वप्रधानमन्त्री तथा जनता समाजवादी पार्टीको संघीय परिषद् अध्यक्ष डा. बाबुराम भट्टराईले नेपालमा पनि हिटलरको उदय भइरहेको बताएका छन् । प्रधानमन्त्री केपी शर्मा ओलीमाथि कटाक्ष गर्दै भट्टराईले यस्तो बताएका हुन् । 

सामाजिक सञ्जालमार्फत हिटलरको भनाइको उदाहरण दिँदै डा. भट्टराईले प्रधानमन्त्री ओली व्यक्ति केन्द्रित शक्ति प्राप्तिमा लागेको बताए । नेपालमा हिटलरको रुपमा ओलीको उदय भइरहेको पनि उनले बताएका छन् । 

'पहिले उनीहरू यहुदीविरूद्ध जाइ लागे, म बोलिँन । किनकि, म यहुदी थिइनँ । अन्त्यमा उनीहरू म विरूद्ध आइलाग्दा कोही पनि बोलेनन्, किनकि कोही पनि बाँकी थिएनन्' भन्ने हिटलरको भनाइको उदाहरण दिँदै डा. भट्टराईले नेपालमा पनि अहिले ओलीको उदय भइरहेको लेखेका छन् । 

नेपालमा हिटलर उदय भइरहेको बताएका डा. भट्टराईले नयाँ हिटलरले पार्टी, राज्यको शक्ति आफूमा केन्द्रित गरेर सबैमाथि खड्ग चलाउन लागेको भन्दै सजग गराएका छन् । उनले लेखेका छन्, 'नेपाली हिटलरको उदय त्यसरी नै भैरहेछ । उसले पार्टी, राज्यको शक्ति आफूमा केन्द्रित गरेर सबैमाथि खड्ग चलाउँदैछ ! होशियार !'

हिट्लरबारे चर्चित भनाइ छ-‘पहिले उनीहरू यहुदीविरूद्ध जाइलागे,म बोलिनॅ किनकि म यहुदी थिइनॅ;...अन्त्यमा उनीहरू मबिरूद्ध आइलागे,कोही पनि बोलेन किनकि कोही पनि बाॅकी थिएन!’नेपाली हिट्लरको उदय त्यसरी नै भैरहेछ!उसले पार्टी,राज्यको शक्ति आफुमा केन्द्रित गरेर सबैमाथि खड्ग चलाउॅदैछ!होशियार!

— Baburam Bhattarai (@brb1954) March 21, 2021