कोरोनाभाइरस महामारीका कारण विश्व आक्रान्त बनेको अब एक वर्षभन्दा बढी भइसकेको छ । तर, अझै पनि यो महामारी तत्काल विश्वबाट हराउने छाँटकाँट देखिएको छैन ।

भारतीय स्वास्थ्य मन्त्रालयका अनुसार भारतका १८ राज्यमा अहिले कोरोनाभाइरसका नयाँ भेरियन्ट भेटिएको हो ।

मन्त्रालयले दिएको जानकारीअनुसार यो डबल म्युटेन्ट पावरको भ्यारियन्ट भेटिएको हो ।

यसका कारण भारतमा नयाँ कोरोनाभाइरस संक्रमितको संख्या बढेको हुनसक्ने अनुमान गरिएको छ । तर, अहिले भारतमा कोरोना संक्रमितको संख्या बढ्नुमा यो भेरियन्ट जिम्मेवार भए नभएको उल्लेख गरिएको छैन ।

पछिल्लो समय विश्वका विभिन्न देशमा कोरोना संक्रमितको संख्या फेरि द्रुत गतिमा बढ्न थालेको छ । भारतमा भेटिएको यो नयाँ भेरियन्टका कारण रोग प्रतिरोधात्मक क्षमतामा थप समस्या देखिएको पनि बताइएको छ । 

भारतीय स्वास्थ्य मन्त्रालयले यो नयाँ म्युटेसनका कारण थप चिन्ताजनक अवस्था आउन सक्ने बताएको छ ।