स्वास्थ्य तथा जनसंख्या मन्त्रालयले पछिल्लो २४ घन्टामा थप १२० जनामा कोरोना भाइरस संक्रमण देखिएको जनाएकाे छ। २८ सय ९१ स्वाब परीक्षण गराउँदा १२० जनामा संक्रमण देखिएको हो । यससँगै संक्रमितको संख्या २ लाख ७६ हजार ५०९ पुगेको छ।

यस्तै, पछिल्लो २४ घन्टामा ८५ जना निको भएका छन् । कोरोनाबाट निको हुनेको संख्या २ लाख ७२ हजार २७२ पुगेको छ। 

नेपालमा कोरोनाबाट मृत्यु हुनेको संख्या आजसम्म ३ हजार २० पुगेको छ । पछिल्लो २४ घन्टामा कोरोनाबाट कसैको पनि मृत्यु भएको छैन।

यस्तै ५५ जना क्वारेन्टाइन र १२ सय १७ जना आइसोलेसनमा छन्।