भारतीय सेनामा रहेका नेपालीहरु नाचेको भिडियो सामाजिक सञ्जालमा भाइरल बनिरहेको छ। भारतीय सेनाको पोशाकमा दुई युवा नेपाली गीत बजाएर मज्जाले नाचेको भिडियोमा देखिन्छ। 

एउटा सुन्दर तालको किनारमा उनीहरु जुनी काट्छु भन्थेउ नी म सित...साइनो जोडिछौ को सित ?.... गीत बजाएर मस्तले नाचेका छन्। केही सैनिकहरु कुर्सीमा बसेर नाच हेर्दै ताली बजाइरहेका छन्। भैमा मादलहरु पनि छरिएका छन्।

त्यो भिडियो अरुणाञ्चल प्रदेशका एक मन्त्रीले सेयर गरेका हुन्। अरुणाञ्चल प्रदेशका युवा तथा खेलकुद मन्त्री किरेन रिजिजुले आफ्नो फेसबुक र ट्विटर गोरखा सैनिकका जवानहरु नाचेको भिडियो सेयर गरेका हुन्। 

उनका अनुसार त्यो भिडियो भारत–चीन सीमाक्षेत्र लद्दाख प्याङगोङको हो। ‘मैले निकै महान आनन्दको महसुस गरेँ, लद्दाखको प्याङगोङमा भारतीय गोरखा सैनिक जवान र सहयोगी जब पूर्णरुपमा संगीतमा डुबेर रमाए’ उनले भिडियो सेयर गर्दै भनेका छन्। 

भारतमा अहिले करिब ३२ हजार गोरखा सैनिक रहेका छन्। भारतीय सेनाले गोरखा सैनिकलाई विशेष गरी सिमा क्षेत्रमा खटाउने गरेको छ। पाकिस्तानसँगको विवाद सीमा क्षेत्र काश्मिरसँग भारत–चीन सीमा क्षेत्र लद्दाख लगायतमा पनि भारतीय सेनामा कार्यरत नेपालीहरु खटिने गरेका छन्। 

It feels great whenever soldiers enjoy! Brave Indian Army Gorkha Jawans and colleagues with full music at Pangong Tso in Ladakh. pic.twitter.com/d56Qjl3RhN

— Kiren Rijiju (@KirenRijiju) March 25, 2021