स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घन्टामा थप १४१ जनामा कोरोना भाइरस संक्रमण देखिएको छ। 

३ हजार १ सय २२ पिसिआर गर्दा १ सय ४१ जनामा कोरोना पोजिटिभ देखिएको हो। स्वास्थ्य तथा जनसंख्या मन्त्रालयका अनुसार सोमबार थप ८२ जना कोरोनामुक्त भएका छन् । 

योसहित नेपालमा कोरोना संक्रमणबाट मुक्त हुनेको संख्या २ लाख ७२ हजार ६१२ पुगेको हो। मन्त्रालयका अनुसार सोमबारसम्म १३ सय ४१ जना कोरोनाका सक्रिय संक्रमित छन्।

यस्तै, सोमबार कोरोनाबाट कसैको पनि मृत्यु भएको छैन। हालसम्म कोरोनाबाट मृत्यु हुनेको संख्या ३ हजार २७ पुगेको छ। 

पछिल्लो समय कोरोनाको ग्राफ बिस्तारै बढ्दै गएको भन्दै सरकारले स्वास्थ्य सुरक्षा मापदण्ड अपनाउन आग्रह गरेको छ।