प्रमुख प्रतिपक्षी नेपाली कांग्रेसका वरिष्ठ नेता रामचन्द्र पौडेलले प्रधानमन्त्री केपी शर्मा ओलीले देशलाई संकटतिर लगेको बताएका छन्।   रिपोर्टर्स क्लब नेपालको २३ औं वार्षिकोत्सव समारोहलाई सम्बोधन गर्दै उनले यस्तो बताएका हुन् ।

नेता पौडेलले आफूहरुले ७० वर्षसम्म लडेर ल्याएको लोकतान्त्रिक प्रणाली, संघीय लोकतान्त्रिक गणतन्त्र र समावेशी गणतन्त्र आज एकपटक अदालतबाट बचेको पनि सुनाए। 

पौडेलले तर अहिले पनि नेपालको राजनीतिमा विकृति देखा परेको भन्दै चिन्ता जनाए। पौडेलले ओलीले अहिले नैतिक पतनको बाटोमा देशलाई अघि बढाएको भन्दै सरकारको भूमिकाको आलोचना गरे। नेपाल सरकारले म्यानमार भएको सैनिक क्रुरताविरुद्ध  एक शब्द पनि नबोलेको भन्दै सरकारको आलोचना गरे।