नेकपा माओवादी केन्द्रका अध्यक्ष पुष्पकमल दाहाल प्रचण्डले कांग्रेसका सभापति शेरबहादुर देउवालाई भेटेर मिलेर सरकार बनाउने कि नबनाउने फाइनल गर्न आग्रह गरेका छन् ।
माओवादी केन्द्रका नेतासहित देउवालाई भेट्न बुढानीलकण्ठ पुगेका प्रचण्डलाई देउवाले भोलि जनता समाजवादी पार्टी (जसपा) नेताहरुसँग कुरा गर्ने र पर्सि निर्णय लिने जवाफ दिएको बुझिएको छ ।
सरकारलाई दिएको समर्थन फिर्ता लिने तयारीमा रहेका माओवादी अध्यक्ष दाहालले नयाँ सरकार गठनबारे प्रस्ट निर्णय दिन देउवालाई आग्रह गरेका हुन् ।
नेकपा विभाजित भएको बेलादेखि नै प्रचण्डले देउवालाई प्रधानमन्त्रीमा प्रस्ताव गर्दै आएका थिए । देउवा भने नेकपाको आधिकारिक विभाजन नभएकाले एउटा पक्षसँग मिलेर सरकार बनाउन सहमत भएका थिएनन् ।
पार्टीभित्र सुरुमा सरकारमा जान नहुने दबाब आए पनि पछिल्लो समय कांग्रेस नेताहरु पनि देउवाको नेतृत्वमा सरकार बनाउन एकमत देखिएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
