कमल थापा भन्छन्, 'कांग्रेसको निर्णय आत्मघाती, नयाँ चुनाव उचित विकल्प'
फरकधार / २१ चैत, २०७७
फाइल तस्बिर

राष्ट्रिय प्रजातन्त्र पार्टीका अध्यक्ष कमल थापाले सरकार निर्माणको विषयमा नेपाली कांग्रेसको निर्णय सही नभएको टिप्पणी गरेका छन् । थापाले सामाजिक सञ्जालमार्फत यस्तो टिप्पणी गरेका हुन् । 



नेपाली राजनीतिमा देखिएको अहिलेको संकट नयाँ चुनावले मात्रै टार्न सक्ने पनि थापाले बताए । अध्यक्ष थापा लेख्छन्, 'वर्तमान संकटबाट मुक्ति र प्रजातन्त्र रक्षाको उपयुक्त निकास नयाँ चुनाव हो ।'

अध्यक्ष थापाले भ्रष्ट कम्युनिष्टको एक भंगालोसँग सत्ता सहकार्य गर्दै अगाडि बढ्ने कांग्रेसको निर्णय गलत भएको धारणा राखे । थापाले कम्युनिष्टको विकल्प बनेर चुनावमा जानु अहिलेको आवश्यकता भएको बताए । 

भ्रष्ट कम्युनिष्टको विकल्प बनेर चुनावमा जानुको सट्टा भ्रष्ट कम्युनिष्टको एक भंगालोसँग अपवित्र गठबन्धन बनाउने कांग्रेसको निर्णय आत्मघाती हुने अध्यक्ष थापाको टिप्पणी छ । 



अपवित्र गठबन्धन बनाएर अस्थिरता, भ्रष्टाचार र कुशासनको श्रृंखलालाई निरन्तरता दिन नहुने अध्यक्ष थापाको धारणा छ । सरकारमा जाने कांग्रेसको पछिल्लो चाहना तथा निर्णय आत्मघाती हुने उनको दावी छ ।

  • प्रकाशित मिति : चैत २१, २०७७ शनिबार ८:३४:३७,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया