पूर्वप्रधानमन्त्री तथा जनता समाजवादी पार्टी नेपालका संघीय परिषद् अध्यक्ष डा. बाबुराम भट्टराईले नेपाली कांग्रेसले प्रतिपक्षीय धर्म निभाउने संकेत देखाएको टिप्पणी गरेका छन् ।
सामाजिक सञ्जालमार्फत डा. भट्टराईले अन्त्यमा आएर कांग्रेसले प्रतिपक्षीय धर्म निभाउने संकेत गरेको भन्दै कांग्रेसको उक्त कदम सराहनीय भएको बताएका छन् । उनले प्रतिपक्ष दलले आफ्नो भूमिका भुल्न नहुने पनि बताएका छन् ।
डा. भट्टराईले राजनीतिमा आआफ्ना दलका फरक एजेण्डा हुने बताउँदै ती एजेन्डाभन्दा माथि सधैँ देश रहने बताए । उनले दलको एजेन्डाभन्दा माथि देश, जनता र लोकतन्त्रको आवश्यकता/प्रथामिकता हुने बताए ।
डा. भट्टराईले अहिलेको मुख्य आवश्यकता भनेको प्रधानमन्त्री केपी शर्मा ओली नेतृत्वको सरकारलाई हटाउनु भएको बताए । उनले लेखेका छन्, 'आजको दिनमा मुख्य प्राथमिकता भष्मासुर ओलीको बिदाइ नै हो है !'
अन्तत:प्रमुख प्रतिपक्षी कांग्रेसको प्रतिपक्षीय धर्म निभाउने संकेत सराहनीय छ।अरू प्रतिपक्षी दलले पनि आफ्नो कर्तव्य नभुलौं।आआफ्ना दलका फरक एजेण्डा हुन्छन् तर ती सबै भन्दामाथि देश,जनता र लोकतन्त्रको आवस्यकता/प्रथमिकता हुन्छ। आजको दिनमा मुख्य प्राथमिकता भष्मासुर ओलीको विदाइ नै हो है!
— Baburam Bhattarai (@brb1954) April 3, 2021
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।