कोरोनाको दोस्रो लहरको कहर सबैभन्दा धेरै भारतको मुम्बईमा देखिएको छ। अब बलिउड उद्योगमा पनि  कोरोनाले सताउन थालेको छ। हिजो मात्रै कोरोना संक्रमित बलिउड अभिनेता अक्षय कुमार बिरामी परेपछि अस्पताल नै भर्ना भएका छन्। 

उनी कोरोना भाइरसबाट संक्रमित भएपछि होम क्वारेन्टाइनमा थिए। तर अवस्था बिग्रिँदै गएपछि उनी अस्पताल नै भर्ना भएका हुन्। 

उनलाई मध्य मुम्बईको हिरानन्दानी अस्पतालमा भर्ना गरिएको छ। यसको जानकारी अक्षयले सामाजिक सञ्जालमार्फत दिएका छन्। अक्षयले लेखेका छन्, 'तपाईंहरुको प्रार्थनाको असर देखिएको छ। मलाई राम्रो महसुस गरिरहेको छु तर केही स्वास्थ्यसम्बन्धी कारणले अस्पतालमा भर्ना हुँदैछु। चाँडै घर फर्किनेछु, आफ्नो  ख्याल गर्नुहोला।'

उनी आइतवार कोरोना संक्रमित भएका थिए। उनले आफूलाई तत्कालै होम आइसोलेसनमा लगेका थिए। तर घरमा रहँदा स्वास्थ्यमा समस्या देखिएपछि उनी अस्पताल नै भर्ना भएका हुन्।