राष्ट्रिय प्रजातन्त्र पार्टी (राप्रपा)का अध्यक्ष पशुपतिशम्शेर जबराले बढ्दो कोरोना महामारीको जोखिमसँगै सरकारले सीमाक्षेत्र अनुगमनका साथै सबै किसिमको सावधानी अपनाउनुपर्ने बताएका छन् ।

बेसार पानीको मात्र कथा हालिरहे महँगो साबित हुने भन्दै राप्रपा अध्यक्ष राणाले सरकारको गम्भीर ध्यानाकर्षण गराएका छन् ।

भारतमा कार्यरत नेपालीहरु स्वदेश फर्कने क्रम बढेसँगै कोरोना संक्रमणको जोखिम नियन्त्रण गर्न उच्च सतर्कता अवलम्बन गर्नुपर्ने राणाको भनाइ छ ।

‘छिमेक भारतमा द्रूततर दरमा कोरोना संक्रमण बढेको विदितै छ । यसै क्रममा भारतमा कार्यरत धेरै कामदार स्वदेश फर्किरहेको खबर छ । यस अवस्थामा सरकारले सिमाना अनुगमन गर्नेदेखि समयमै सबै सावधानी अपनाउनु जरुरी भएको छ,’ राणाले शनिबार भने ।

उनले ट्विट गर्दै भने, ‘अन्यथा बेसार पानीको कथा महँगो साबित हुने प्रस्ट छ ।’

छिमेक भारतमा द्रुततर दरमा कोरोना संक्रमण बढेको विदितै छ। यसै क्रममा भारतमा कार्यरत धेरै कामदारहरु स्वदेश फर्किरहेको खबर छ। यस अवस्था सरकारले सिमाना अनुगमन गर्नेदेखि समयमै सबै सावधानी अपनाउनु जरुरी भएको छ। अन्यथा बेसार पानीको कथा महंगो साबित हुने प्रष्ट छ।

— Pashupati Shumshere (@PashupatiShams) April 10, 2021