logo-img

सबै मन्त्रालयको काममा गर्व गर्न लायक रेकर्ड कायम भएको छ : प्रधानमन्त्री ओली

प्रधानमन्त्री केपी शर्मा ओलीले अहिलेको सरकारले सबै क्षेत्रमा विकास र प्रविधिको उपयोग गर्दै सफलता हात पारेको बताएका छन् । 'मेरो कित्ता' एप सार्वजनिक गर्ने समारोहलाई सम्बोधन गर्दै प्रधानमन्त्री ओलीले प्रविधिको विकास र सदुपयोगमा सरकार सफल भएको बताए । 

जग्गाको नक्सा अनलाइनबाटै प्रिन्ट गर्न सकिने एप 'मेरो कित्ता'लाई सार्वजनिक गर्दै प्रधानमन्त्री ओलीले वर्तमान सरकारमार्फत जमीनको आधुनिक तरिकाले सदुपयोग गर्न दूरगामी काम भएका दावी गरेका छन् । 



कार्यक्रमलाई सम्बोधन गर्दै ओलीले भने, 'यही एक वर्षमा सगरमाथाको उचाइ नापिएको छ । डिजिटल स्वइल म्यापिङ भएको छ । ल्याण्ड इन्फर्मेसन सिस्टम तयार भएकाे छ । यही एक वर्षमा मेरो कित्ता पनि डेभलप भएको छ ।'

प्रधानमन्त्री ओलीले भूमि आयोगमार्फत अहिले देशमा रहेको जमिनसम्बन्धी सबै समस्याहरूको पूर्ण समाधान गर्ने बताएका छन् । आयोगले जमीनको व्यवस्थापनका लागि आवश्यक योजनाहरु बनाएर समस्याहरूको समाधान गर्ने उनले बताए । 

प्रधानमन्त्री ओलीले भने, 'जमीन एकातिर, धनीपूर्जा एकातिर, बसोबास एकातिर यसप्रकारको स्थितिलाई अन्त्य गरेर सुकुम्बासी समस्या, अव्यवस्थित बसोबासको समस्यालगायत भूमिसम्बन्धी अनसल्भ्ड समस्याहरु समाधानमा भूमि आयोग लाग्नेछ ।'





  • प्रकाशित मिति : वैशाख २, २०७८ बिहीबार

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया