कोरोना संक्रमित सुर्खेतकी ५८ वर्षीया एक महिलाको मृत्यु भएको छ । उपचारको क्रममा प्रदेश अस्पताल सुर्खेतमा मृत्यु भएको हो । गुर्भाकोट नगरपालिका ९ स्थायी निवास भएकी उनी गम्भीर अवस्थामा वैशाख २ गते प्रदेश अस्पतालमा भर्ना भएकी थिइन् ।

वैशाख तीन गते कोरोना पुष्टि भएपछि भेन्टिलेटरमा राखेर उनको उपचार भइरहेको थियो । उपचारका क्रममा उनको मृत्यु भएको प्रदेश अस्पतालका कोरोना फोकल पर्सन डा. केएन पौडेलले जानकारी दिए । योसँगै कर्णाली प्रदेशमा कोरोना संक्रमण पुष्टि भएका मध्ये ३१ जनाको मृत्यु भएको छ ।