त्रिवि क्रिकेट मैदानमा जारी त्रिदेशीय टि-२० अन्तर्राष्ट्रिय सिरिजमा नेपाली ओपनर कुशल भुर्तेलले लगातार तेस्रो अर्धशतक प्रहार गरेका छन् ।
उनले मंगलबार नेदरल्यान्डविरुद्ध ४६ बलको सामना गर्दै ८ चौका र १ छक्काको मद्दतले ६२ रन बनाए । उनले पहिलो खेलमा नेदरल्यान्डविरुद्ध ६२ र दोस्रो खेलमा मलेसियाविरुद्ध अविजित ६१ रन बनाएका थिए ।
कुशल टि-२० अन्तर्राष्ट्रियमा लगातार तेस्रो अर्धशतक प्रहार गर्ने पहिलो नेपाली र तेस्रो एसोसिएट खेलाडी बने ।
यसअघि युएईका साइमन अनवर र क्यानडाका आर्यन कुमारले लगातार तेस्रो टि-२० अर्धशतक प्रहार गरेका थिए ।
अनवरले अफगानिस्तानविरुद्ध ६०, ५६ र ५२ रनको पारी खेल्दै र आर्यनले जर्सी विरुद्ध ८३, नाइजेरियाविरुद्ध अविजित ५७ र आयरल्यान्डविरुद्ध ५३ रनको पारी खेल्दै टि-२० अन्तर्राष्ट्रियमा लगातार तेस्रो अर्धशतक प्रहार गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
