नेपालले रुसमा विकास गरिएको कोभिड-१९ विरुद्धको खोप ‘स्पुतनिक-भी’लाई आपतकालिन प्रयोगको लागि अनुमति दिएको छ ।

औषधी व्यवस्था विभागले मंगलबार रुसी खोपलाई सर्तसहित अनुमति दिएको हो ।

गत जनवरीमा नेपालले खोप अभियान सुरु गरेकाे थियाे। तर भारतले सर्तअनुसार पर्याप्त खोप आपूर्ति नगर्दा अभियान प्रभावित बनेको छ ।

‘रुसी खोपलाई सर्तसहित आपतकालीन प्रयोगको अनुमति दिएका छौं,’ विभागका प्रवक्ता सन्तोष केसीले भनेका छन्। नेपालमा अहिले भारतीय र चिनियाँ खाेप प्रयाेगमा छन्। तर पर्याप्त खाेप अभावमा सरकारले समस्या भाेगिरहेकाे छ।