नेपालमा पछिल्लो २४ घन्टामा मात्र २ हजार ३ सय ५१ जना कोरोनाभाइरस संक्रमित थपिएका छन् । ८ हजार ८ सय ८४ पिसिआर परीक्षण गर्दा यो संक्रमित संख्या देखिएको हो ।

स्वास्थ्य तथा जनसंख्या मन्त्रालयले दिएको जानकारीअनुसार आज थपिएका १ सय ३१ संक्रमित एन्टिजेन परीक्षणबाट कोरोनाभाइरस संक्रमित भएको बुझिएको हो । 

नेपालमा पछिल्ला दिन २४ घन्टामा नै संक्रमित बढी थपिन थालेपछि कोरोना संक्रमणको दोस्रो छाल आएको बताउन थालिएको छ । 

नेपालको जस्तै छिमेकी देश भारतमा पनि यो संख्या दैनिक बढ्दो छ र दोस्रो छाल गम्भीर भएको अनुमान गर्न थालिएको छ ।

पछिल्लो २४ घन्टामा काठमाडौं उपत्यकामा मात्र १ हजार ५१ जना संक्रमित थपिएका छन् । काठमाडौंमा ७ सय ८६, ललितपुरमा १ सय ८१ र भक्तपुरमा ८४ जना कोरोना संक्रमित थपिएको स्वास्थ्य तथा जनसंख्या मन्त्रालयले जनाएको छ ।