नेपालमा पछिल्लो २४ घन्टामा पिसिआर परीक्षण गर्दा २२२० जनामा संक्रमण देखिएको छ । यीमध्ये १ हजार २ सय ९७ जना पुरुष रहेका छन् । 

त्यस्तै, स्वास्थ्य तथा जनसंख्या मन्त्रालयले दिएको जानकारीअनुसार यही समयमा ९ सय २३ जना महिलामा कोरोनाभाइरस संक्रमण पुष्टि भएको हो । 

यो समयमा सबैभन्दा बढी कोरोनाभाइरस संक्रमण ३० देखि ३९ वर्षको उमेर समूहमा देखिएको छ । दोस्रो उमेर समूह जसमा सबैभन्दा बढी कोरोना संक्रमण भएको छ, त्यसमा २० देखि २९ वर्षका रहेका छन् ।

स्वास्थ्य तथा जनसंख्या मन्त्रालयका अनुसार ३० देखि ३९ वर्षका ५ सय ६४ जनामा कोरोना संक्रमण पुष्टि भएको छ । अनि २० देखि २९ वर्षका उमेरमा ५ सय ४८ जनामा कोरोना संक्रमण देखिएको छ ।

यो २४ घन्टामा १९ वर्षमुनिका २ सय ७६ जनामा कोरोनाभाइरस संक्रमण देखिएको छ ।

४० वर्षमाथिका र ४९ वर्ष मुनिका व्यक्तिहरु ३ सय ५६ जनामा कोरोना संक्रमण यो समयमा देखिएको छ । यही समयमा ८० जनाभन्दा बढीका ४८ जनामा कोरोनाभाइरस संक्रमण देखिएको छ ।