राष्ट्रिय प्रजातन्त्र पार्टीका अध्यक्ष कमल थापाले महाभूकम्पले ध्वस्त बनाएको संरचना पुनर्निर्माण गरेको भन्दै प्रधानमन्त्री केपी शर्मा ओली र राष्ट्रिय पुनर्निर्माण प्राधिकरणलाई धन्यवाद दिएका छन् ।
अध्यक्ष थापाले वि.सं. २०७२ सालको महाभूकम्पबाट ध्वस्त भएको रानीपोखरी, नेपाली सेनाको मुख्यालय, दरवार हाइस्कुलको पुनर्निर्माण र नयाँ स्वरुप प्रशंसनीय भएको बताएका छन् ।
अध्यक्ष थापाले पुनर्निर्माण भएका संरचनाले काठमाडौंको सौन्दर्य बढाएको पनि बताएका छन् । उनले ती संरचनाले काठमाडौं रमणीय बनेको बताएका हुन् ।
अध्यक्ष थापाले सामाजिक सञ्जालमार्फत प्रधानमन्त्री ओली र प्राधिकरणलाई धन्यवाद दिएका हुन् । उनले विभिन्न संरचनाको पुनर्निर्माणमा संलग्न सबैजना बधाई र धन्यवादको पात्र भएको पनि बताएका छन् ।
२०७२ सालको महाभूकम्पबाट ध्वस्त रानीपोखरी,नेपाली सेनाको मुख्यालय,दरवार हाइस्कूलको पुनर्निर्माण र नयाँ स्वरुप प्रशंसनीय छ र राम्रो छ।यिनीहरूले काठमाडौँको सौन्दर्य बढाएका छन्।
— Kamal Thapa (@KTnepal) April 23, 2021
पुनर्निर्माणमा संलग्न सबै बधाई र धन्यवादका पात्र छन्@Sushilgyewali @kpsharmaoli pic.twitter.com/3GSka5UyuU
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
