प्रधानमन्त्री केपी शर्मा ओलीले त्रिदेशीय क्रिकेट सिरिज जितेको नेपाली राष्ट्रिय टोलीलाई बधाई दिएका छन् । ओलीले ११ वर्षको इतिहास तोडेर नेपाललाई उपाधि दिलाएको भन्दै बधाई दिएका हुन् ।
प्रधानमन्त्री ओलीले सामाजिक सञ्जालमार्फत नेदरल्यान्डमाथि शानदार जितसँगै देशलाई उपाधि जिताएकोमा बधाई दिएका हुन् ।
शनिबार भएको त्रिदेशीय अन्तर्राष्ट्रिय टि–२० क्रिकेट सिरिजको फाइनलमा नेपालले नेदरल्यान्डलाई १४२ रनको विशाल अन्तरले पराजित गरेको थियो ।
नेपाल क्रिकेट संघ, क्यानले आयोजना गरेको सिरिजमा नेपालसहित नेदरल्याण्ड र मलेसिया सहभागी थिए । सिरिजमा खेलेको समूह चरण र फाइनलसहित ५ खेलमा नेपाल ४ खेलमा विजयी भएको थियो ।
नेपाल,मलेसिया र नेदरल्याण्डबीच सम्पन्न त्रिदेशीय अन्तर्राष्ट्रिय टि-२० क्रिकेट प्रतियोगिताको फाईनल खेलमा नेपालले नेदरल्यान्डलाई १४२ रनको विशाल अन्तरले पराजित गरी ११ वर्षको इतिहास तोड्दै शानदार बिजय हासिल गरेकोमा नेपाली राष्ट्रिय क्रिकेट टिमलाई हार्दिक बधाई !
— K P Sharma Oli (@kpsharmaoli) April 25, 2021
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।