काठमाडौं उपत्यका विस्तारै कोरोनाको हट स्पट बन्न थालेको छ। आइतवार देशभर भेटिएका संक्रमितमध्ये करिब ४५ प्रतिशत काठमाडौं उपत्यकामै छन्। 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा भक्तपुरमा ९६ जना, ललितपुरमा २७० जना र काठमाडौँ ११ सय ३२ जनासहित १४९८ जनामा कोरोना संक्रमण पुष्टि भएको छ। 

आइतवार नेपालमा ३१ सय २२ जनामा कोरोना पुष्टि भएको थियो। यस हिसाबले काठमाडौंमा मात्रै संक्रमितको संख्या डरलाग्दो तरिकाले बढ्न थालेको छ।