स्पेनिस ला लिगामा बार्सिलोनाले पुनरागमन जित दर्ता गरेको छ । फ्रेन्च स्टार एन्टोनी ग्रिजम्यान चम्किएको खेलमा बार्सिलोनाले भिल्ला रियललाई हराएको हो ।
आईतबार गएराति भएको खेलमा बार्सिलोनाले भिल्ला रियललाई २-१ गोल अन्तरले हरायो । १-० ले पछि परेको स्थितिमा ग्रिजम्यानले दुई गोल गरेपछि बार्सिलोनाले घरेलु टोलीविरुद्ध पुनरागमन जित दर्ता गर्यो ।
घरेलु टोली भिल्ला रियलका लागि खेलको २६औँ मिनेटमा स्यामुएल चुकउन्जेले गोल गर्दै सुरुवाती अग्रता दिलाएका थिए । तर, त्यसको दुई मिनेटमै ग्रिजम्यानले काउन्टर गोल गरेपछि बार्सिलोनाले खेल बराबरीमा ल्याएको थियो ।
खेलको ३५औँ मिनेटमा ग्रिजम्यानले व्यक्तिगत दोस्रो गोल गरेपछि बार्सिलोना २-१ ले विजयी बन्यो ।
खेलको ६५औँ मिनेटमा म्यानुअल ट्रिग्युरोस रातो कार्ड खादै मैदानबाट बाहिरिएपछि घरेलु टोली १० खेलाडीमा सीमित बनेको थियो । तर, त्यसपछि थप गोल हुन सकेन । पहिलो हाफमै प्राप्त २-१ को नतिजा सहित बार्सिलोनाले ३ अंक जोड्यो ।
जितसँगै बार्सिलोनाले दोस्रो स्थानको रियल मड्रिडसँग अंक बराबरी गरेको छ । दुवै टिमको ७१ अंक भएको छ । शीर्ष स्थानको एट्लेटिको मड्रिडसँग ७३ अंक छ । भिल्ला रियल ४९ अंकसहित सातौँ स्थानमा छ ।
7️⃣ @FCBmasia players took part in the second half of our 2-1 win at Villarreal!
— FC Barcelona (@FCBarcelona) April 25, 2021
🔵🔴 Leo #Messi
🔵🔴 @3gerardpique
🔵🔴 @SergiRoberto10
🔵🔴 @5sergiob
🔵🔴 @JordiAlba
🔵🔴 @OscarMingueza
🔵🔴 @IlaixMK #ForçaBarça pic.twitter.com/Dt5PoJJJcM
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।