बाजुरा बुढीगंगा नगरपालिका–२ मा पर्ने घट्टेखोलामा आएको बाढीले पाकेको गहुँ बगाएको छ । बिहीबार दिउँसो आएको अविरल वर्षासँगै खोलामा आएको बाढीले ताप्री सेराको खेलमा पाकेको गहुँबली बगाएको वडा नम्बर २ वडाध्यक्ष हिरालाल थापाले जानकारी दिए ।
बाढीले किसानले लगाएको २५ रोपनीको खेतीमा क्षती पुर्याएको वडाध्यक्ष थापाको भनाइ छ । कुँडी हुँदै आएको खोलाको बाढीले उक्त खोलामा बनाइएका घट्टसमेत बगाएको छ ।
किसानहरुले खेत रोपाइँका लागि राखिएका धानको बीउ समेत बगाएर लगाएको बुढीगंगा नगरपालिका–१ कुडी स्थानीय भरतराज उपाध्यायले बताए । जिल्लाको तल्लो क्षेत्रमा आएको असिना–पानीले पाकेको गहुँमा समेत क्षति पुर्याएको उपाध्यायले बताए ।
घट्टखोलामा आएको बाढीले गर्दा साँफे मार्तडी राजमार्ग सडकसमेत अवरुद्ध बनेको छ । खोलाले बगाएर सडक पनि भत्किएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।