गण्डकी प्रदेशसभा सदस्य राजीव पहारी दम्पतीले कोरोना भाइरसलाई पराजित गरेका छन् । सत्तारुढ नेकपा एमालेका नेता पहारी दम्पतीले ११ दिनमा कोरोना जित्न सफल भएका हुन् । 

पहारीले सामाजिक सञ्जालमार्फत आफू कोरोनामुक्त भएको जानकारी दिएका छन् । उनले आफू र श्रीमतीले संक्रमण भएको ११औँ दिनमा कोरोनालाई जित्न सफल भएको लेखेका छन् । 

कोरोनामुक्त भएसँगै पहारीले सामाजिक सञ्जालमार्फत नै महामारीको नियन्त्रण तथा रोकथाममा लाग्नका लागि सबैलाई आह्वान गरेका छन् । उनले कोरोना पीडितलाई सहयोग गर्न पनि आग्रह गरेका छन् । 

पहारीले लेखेका छन्, हुनेले नहुनेलाई सहयोग गरौँ । आफू पनि सुरक्षित रहौँ, अरुलाई पनि सुरक्षित रहन र स्वास्थ्य मापदण्ड पालना गराउन प्रेरित गरौँ ।।