प्रख्यात सामाजिक सञ्जाल ट्वीटरले नयाँ विशेषता थपेको छ । माइक्रो ब्लगिङ साइट ट्वीटरले आफ्नो प्लेटफर्ममा नयाँ फिचर सुरु गरेको हो ।

ट्वीटरले ‘टिप जार’ नामको नयाँ फिचर सुरु गरेको हो । नयाँ थपिएको उक्त नयाँ फिचरमार्फत ट्वीटर प्रयोगकर्ताले आफूलाई मनपर्ने कुनै ट्वीटर प्रयोगकर्तालाई नगद टिप दिन सक्नेछन् ।

ट्विटरमा गरिएको ट्वीट आफूलाई राम्रो लागेको अवस्थामा उक्त व्यक्तिलाई नगद सहयोग गर्न मिल्ने गरी नयाँ फिचर सुरुवात गरिएको ट्वीटरले जनाएको छ । 

सुरुवातमा उक्त नयाँ फिचर केही सीमित प्रयोगकर्ताले मात्रै प्रयोग गर्न पाउने ट्विटरले जनाएको छ । सीमित व्यक्तिहरुमा निश्चित पत्रकार, विज्ञ, गैरनाफामूलक प्रयोगकर्तालगायत रहेका छन् । 

टिपजार फिचरअन्तर्गत प्रयोगकर्ताले आफ्नो प्रोफाइलमा एउटा सानो आइकन थपिएको देख्न सक्नेछन् । तत्कालका लागि यो फिचर मोबाइल प्रयोगकर्ताका लागि मात्र उपलब्ध छ । 

मोबाइलको ट्विटर एपमा युजर प्रोफाइलको ड्रपडाउन मेन्यूमा टिपजार फिचर उपलब्ध रहेको छ । जसबाट अनलाइनमार्फत पैसा पठाउने पेपल, भेन्मो तथा क्यास एपलगायतका भुक्तानी प्रदायकहरुको लिंक दिइएको छ ।

तत्कालका लागि निश्चित प्रयोगकर्तालाई मात्र टिप दिन सकिने गरी टिपजार फिचर सुरु गरेको ट्विटरले निकट भविष्यमै धेरैभन्दा धेरै प्रयोगकर्ताको प्रोफाइलमा यो नयाँ फिचर उपलब्ध गराउने जनाएको छ ।

Huge heads up on PayPal Twitter Tip Jar. If you send a person a tip using PayPal, when the receiver opens up the receipt from the tip you sent, they get your *address*. Just tested to confirm by tipping @yashar on Twitter w/ PayPal and he did in fact get my address I tipped him. https://t.co/R4NvaXRdlZ pic.twitter.com/r8UyJpNCxu

— Rachel Tobac (@RachelTobac) May 6, 2021