सोमबार हुने संसदको विशेष अधिवेशनमा प्रधानमन्त्री केपी शर्मा ओलीलाई विश्वास मत दिन नेकपा एमालेले ह्विप जारी गरेको छ। नेकपा एमालेका प्रमुख सचेतक विशाल भट्टराईले आफ्ना सांसदहरुलाई विश्वासको मतको पक्षमा उभिन आज ह्विप जारी गरेका हुन्। 

भट्टराईले एमाले सांसदहरुलाई पत्र लेखेर सोमबारको प्रतिनिधिसभा बैठकमा उपस्थित भई प्रधानमन्त्रीको विश्वासको मतको पक्षमा मत दिन आग्रह गरेका छन् ।

वरिष्ठ नेता माधवकुमार नेपाल पक्षीय सांसदहरुले राजीनामा तयारी गरिरहेका बेला एमाले दलले ह्विप जारी गरेको हो। संसदीय नियमअनुसार दलको ह्विप उलंघन गरेमा निलम्बनसम्मको कारबाही हुन सक्छ।