नेकपा एमाले असन्तुष्ट समूहका नेता योगेशकुमार भट्टराईले अझै पनि एमालेलाई एक बनाइराख्ने सम्भावना रहेको बताएका छन्। ओली-नेपालका दोस्रो तहका नेता विष्णु पौडेल, घनश्याम भुसाल र गोकर्ण विष्टबीचको छलफलपछि उनले यस्तो बताएका हुन्। 

एमाले संसदीय दलको कार्यालय सिंहदरबारमा भएको छलफलपछि पत्रकारसँग बोल्दै उनले यसो भनेका हुन्। 'छलफलहरु  सकारात्मक नै छन् भन्‍ने आशा गर्छौँ। देशभरीका सबै मान्छेहरुले, पार्टीका सदस्यहरुले एमालेको एकता चाहेका छन्', उनले भने, 'त्यो कुरालाई कसैले पनि नजरअन्दाज नगरोस्। एजेन्डाहरूमा छलफल भइरहेका छ।'

उनले आफूहरुले प्रधानमन्त्रीलाई विश्वासको मत नदिने निर्णय भइसकेको बताए । 'हामीले प्रधानमन्त्रीलाई विश्वासको मत दिन संसदमा नजाने कुरा भइसकेको छ', उनले भने, 'यसले पार्टीको एकतालाई बचाउन नै मद्दत गर्छ। हामी कुनै दाउपेचमा छैनौँ, हामी सग्लो एमालेको पक्षमा छौँ।'

भिडियो