राष्ट्रिय जनमोर्चाले गण्डकी प्रदेशको संसदीय दलको नेताबाट सांसद कृष्ण थापालाई हटाएको छ । थापाले गण्डकी प्रदेशसभामा विपक्षी गठबन्धनलाई सहयोग गर्न अस्वीकार गरेका थिए ।
विपक्षी गठबन्धनको सरकार बनाउनका लागि सहयोग नगरेका थापालाई कारबाही स्वरुप दलको नेताबाट हटाइएको जनमोर्चाले जनाएको छ । सांसद थापा विपक्षी गठबन्धनमा सहमत नभएर बुधबार गृहजिल्ला बागलुङ पुगेका थिए ।
जनमोर्चाका केन्द्रीय महासचिव मनोज भट्टले सांसद थापालाई स्पष्टीकरण सोधिएको र संसदीय दलको नेताबाट हटाइएको जानकारी दिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
