कर्णाली प्रदेशसभाको सातौँ (हिउँदे) अधिवेशन अन्त्य गर्न प्रदेश प्रमुख गोविन्दप्रसाद कलौनी समक्ष सिफारिस गरिएको छ । प्रदेश मन्त्रिपरिषद्को वैशाख २९ गतेको बैठकले सातौँ अधिवेशन अन्त्य गर्न सिफारिस गर्ने निर्णय गरेको हो ।

नेपालको संविधानको धारा १८३ को उपधारा (२) बमोजिम प्रदेश प्रमुखलाई सिफारिस गरिएको बताइएको छ । कर्णालीको सातौँ अधिवेशन वैशाख तीन गतेबाट सुरु भएको थियो । कोरोना भाइरस र राजनीतिक हलचलका कारण छोटो समयमा नै अधिवेशन अन्त्य गर्न लागिएको हो ।