नेपाल सुपर लिग अन्तर्गत बुधबार भएको एलिमिनेटर राउन्डमा ललितपुर सिटी एफसी विजयी भएको छ ।

उसले त्रिपुरेश्वरस्थित दशरथ रंगशालामा बुटवल लुम्बिनी एफसी माथि १-० को कठिन जित हात पारेको हो ।

खेलको ६१ औँ मिनेटमा कप्तान अञ्जन विष्टले गरेको एक मात्र गोल ललितपुरलाई जित दिलाउन पर्याप्त बन्यो । उनले मिक्छेन तामाङको क्रसमा हेड मार्फत उत्कृष्ट गोल गरेका थिए । 

पराजित बुटवल प्रतियोगिताबाट बाहिरिँदा जित हात पारेको ललितपुरले बिहीबार काठमाडौं रेजर्स एफसीसँग दोस्रो क्वालिफायर खेल्नेछ ।

दोस्रो क्वालिफायरको विजेताले उपाधिका लागि शनिबार धनगढी एफसीको सामना गर्नेछ ।