सत्तारुढ नेकपा एमालेका नेता विष्णु रिजालले स्वास्थ्य प्रणाली कोल्याप्स भयो भनेर नागरिकलाई थप आतंकित बनाउनु उचित नहुने बताएका छन् । रिजालले सामाजिक सञ्जालमार्फत यस्तो बताएका हुन् ।
रिजालले हाम्रो स्वास्थ्य प्रणाली पक्कै पनि कमजोर रहेको भन्दै एक वर्षमा गर्न सकिने कामहरु पनि नभएको बताए । तर, अहिले मिडियामा चर्चामा रहेको जस्तो प्रणाली नै कोल्याप्स भएको भन्दै प्रचार गर्न आवश्यक नभएको उनको भनाइ छ ।
कोरोना महामारीको दोस्रो लहरलाई नियन्त्रणमा लिनका लागि रातदिन नभनी स्वास्थ्यकर्मी खटिरहेका भन्दै रिजालले हजारौँको जीवन बचाएका स्वास्थ्य संस्थाले असाधारण काम गरिरहेका उल्लेख गरेका छन् ।
महामारी नियन्त्रणमा लागिपरेको समयमा विभिन्न माध्यमबाट थप आतंकित बनाउनु ठीक नभएको रिजालको तर्क छ । उनले प्रश्न गरेका छन्, 'यस्तो बेलामा ‘स्वास्थ्य प्रणाली कोल्याप्स भयो’ भनेर नागरिकलाई थप आतंकित बनाउनु उचित हुन्छ र ?'
पक्कै पनि हाम्रो स्वास्थ्य प्रणाली कमजोर छ।एक बर्षमा गर्न सकिने काम भएन।तर, रातदिन नभनी स्वास्थ्यकर्मी खटेका छन्, हजारौंको जीवन बचाएका छन्, स्वास्थ्य संस्थाले असाधारण काम गरिरहेका छन्।यस्तो बेलामा ‘स्वास्थ्य प्रणाली कोल्याप्स भयो’ भनेर नागरिकलाई थप आतंकित बनाउनु उचित हुन्छ र?
— Bishnu Rijal (@bishnurijal1) May 16, 2021
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
