logo-img

कर्णाली प्रदेश सरकारमा थपिए माओवादी केन्द्रका दुई मन्त्री

कर्णाली प्रदेशका मुख्यमन्त्री महेन्द्रबहादुर शाहीले मन्त्रिमण्डल पुनर्गठन गरेका छन् । थप दुई जना मन्त्री नियुक्त गर्दै शाहीले आइतबार राति मन्त्रिमण्डल पुनर्गठन गरेका हुन् ।

मुख्यमन्त्री शाहीको सिफारिसमा प्रदेश प्रमुख गोविन्द प्रसाद कलौनीले नेकपा माओवादी केन्द्रका सीता नेपाली र गोपाल शर्मालाई मन्त्री नियुक्त गरेका हुन् । 

नेपालीलाई आन्तरिक मामिला तथा कानुन र युवा तथा खेलकुद मन्त्रालयको जिम्मेवारी दिइएको छ । शर्मालाई आर्थिक मामिला तथा योजना मन्त्रालयको जिम्मेवारी दिइएको छ । 

नेपाली र शर्मा यसअघि सपथ खान नपाउँदै पदमुक्त भएका थिए । मुख्यमन्त्री शाहीले गत बुधबार आर्थिक मामिला तथा योजना मन्त्रीमा गोपाल शर्मा, आन्तरिक मामिला, कानुन, युवा तथा खेलकुद मन्त्रीमा बिन्दमान बिष्ट र जलस्रोत तथा ऊर्जा विकास मन्त्रीमा सीता नेपालीलाई नियुक्त गर्ने निर्णय गरेका थिए । 

तर, पार्टी भित्र र सत्ता साझेदार दल नेपाली कांग्रेससँग कुरा नमिलेपछि सपथ नखाँदै तीनै जनालाई बर्खास्त गरिएको थियो ।





  • प्रकाशित मिति : जेठ ३, २०७८ साेमबार ७:५४:५३

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया