आज २८औँ मदन-आश्रित स्मृति दिवस
फरकधार / ३ जेठ, २०७८

नेकपा एमालेका तत्कालीन महासचिव जननेता मदन भण्डारी र पार्टीका तत्कालीन संगठन विभाग प्रमुख जीवराज आश्रितको सम्झनामा आज २८औँ मदन-आश्रित स्मृति दिवस मनाइँदैछ । 

सत्तारुढ नेकपा एमालेले आफ्ना जनप्रिय नेताहरुको सम्झनामा विभिन्न कार्यक्रम गरेर स्मृति दिवस मनाउने तयारी गरेको छ । यसैक्रममा पार्टीको केन्द्रीय कार्यालय मदननगर, बल्खुमा रहेको मदन-आश्रितको शालिकमा पार्टी अध्यक्ष तथा प्रधानमन्त्री केपी शर्मा ओलीले माल्यार्पण गर्दैछन् । 

कोरोना महामारीबाट बच्दै स्वास्थ्य सुरक्षा मापदण्ड प्रयोग गरेर एमालेले देशभर मदन–आश्रित स्मृति दिवस मनाउने तयारी गरेको छ । प्रधानमन्त्री केपी शर्मा ओलीले बुल्खुस्थित पार्टी मुख्यालय पुगेर त्यहाँ रहेको मदन–आश्रित शालिकमा माल्यार्पण गर्नेछन्।



जननेता भण्डारी नेपाली कम्युनिष्ट आन्दोलनका जनप्रिय व्यक्तित्व थिए । भण्डारीले प्रतिपादन गरेको जनताको बहुदलीय जनवाद (जबज) नेपालसँगै विश्व कम्युनिष्ट आन्दोलनमा उच्च उपलब्धिको रुपमा लिइदै आएको छ ।



छोटो राजनीतिक जीवनमा सर्वाधिक लोकप्रिय बनेका भण्डारीको २०५० जेठ ३ गते चितवनको दासढुंगामा जीप दुर्घटनामा परी मृत्यु भएको थियो । उनीसँगै संगठन विभाग प्रमुख आश्रितको पनि सोही दुर्घटनामा मृत्यु भएको थियो । 

  • प्रकाशित मिति : जेठ ३, २०७८ साेमबार ८:८:७,   अन्तिम अपडेट : जेठ ३, २०७८ साेमबार ८:१०:१९

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया