मोडेर्नाको खोप बालबालिकामा शतप्रतिशत प्रभावकारी
फरकधार / १२ जेठ, २०७८

अमेरिकी कम्पनी मोडेर्नाले तयार गरेको कोरोना भाइरस विरुद्धको खोप बालबालिकामा शतप्रतिशत प्रभावकारी देखिएको छ । मंगलबार दोस्रो तथा तेस्रो चरणको परीक्षणको नतिजा सार्वजनिक गर्दै मोडेर्नाले आफ्नो खोल बालबालिकामा शतप्रतिशत प्रभावकारी रहेको बताएको हा । 



मोडेर्नाले विकास गरेको कोरोना खोप १२ देखि १७ वर्षसम्मका बालबालिकामा शतप्रतिशत प्रभावकारी देखिएको हो । बालबालिकाका लागि यो खोप शतप्रतिशत प्रभावकारी र सुरक्षित रहेको कम्पनीले दाबी गरेका छ । 

माडेर्नाले खोपको परीक्षणका क्रममा ३ हजार ७३२ बालबालिका सहभागी गराएको कम्पनीले बताएको छ । जसमा २ हजार ४८८ जना बालबालिकालाई दुवै डोज खोप लगाइएको थियो । 



दुवै डोज लगाएका सबै बालबालिकामा कोरोना भाइरसको कुनैपनि लक्षण नदेखिएको मोडेर्नाले दाबी गरेको छ । यससँगै कम्पनीले आफ्नो खोप सुरक्षित रहेको भन्दै अमेरिकी नियामक निकायमा बालबालिकामा प्रयोगको अनुमति माग्ने भएको छ । 



यसअघि फाइजरले विकास गरेको कोरोना खोपले क्यानडामा बालबालिकाका लागि प्रयोगको अनुमति पाइसकेको छ । त्यहाँ १२ देखि १५ वर्षका बालबालिकाका लागि प्रयोगको अनुमति दिइएको हो । 

  • प्रकाशित मिति : जेठ १२, २०७८ बुधबार ९:२२:२८,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यो सामग्री सेयर गर्नुहोस्


यो पनि नछुटाउनुहोस्
रञ्जित तामाङ
 |  १९ साउन, २०७९
मल्टिमिडिया