वामदेवको खुलासा : यी तीन नेता थिए गणतन्त्र विरोधी
फरकधार / १५ जेठ, २०७८

नेकपा एमालेका नेता वामदेव गौतमले झापा संघर्षका तीन जना नेता गणतन्त्रको विरोधी रहेको बताएका छन् । गणतन्त्र दिवसमा शुभकामना दिँदै नेता गौतमले तीन नेता गणतन्त्रको विरोधी रहेको बताएका हुन् । 

२०६५ जेठ १५ गतेको अवस्थामा नेपाललाई ल्याउने युगान्तकारी संघर्षका महानायक नेपाली कांग्रेसका तत्कालीन सभापति गिरिजाप्रसाद कोइराला, नेकपा एमालेका तत्कालीन महासचिव माधव कुमार नेपाल र नेकपा माओवादीका अध्यक्ष पुष्पकमल दाहाल प्रचण्ड रहेको नेता गौतमको भनाइ छ ।

नेपालमा राजतन्त्रको अन्त्य गर्दै गणतन्त्र घोषणाको पृष्ठभूमिमा हजारौँ नेता कार्यकर्ता तथा अन्य नेपाली जनताको शहादत, त्याग तपस्या र समर्पण रहेको गौतमले बताएका छन् । 

गौतमले लेखेका छन्, 'विडम्बना नै भन्नुपर्छ नेकपा एमालेको केन्द्रीय कमिटीको बहुमतले तत्कालीन संघर्षको मुख्य नारा राजतन्त्रको अन्त्य र गणतन्त्र स्थापना तय गर्दा चर्चित झापा संघर्षका विभिन्न पार्टीमा रहेका मुख्य ३ नेता विरुद्धमा हुनुहुन्थ्यो ।'

गणतन्त्र विरोधी नेताका रुपमा गौतमले प्रधानमन्त्री तथा एमाले अध्यक्ष केपी शर्मा ओली, नेकपा मालेका सिपी मैनाली लगायतलाई संकेत गरेका छन् । 

एमालेको उक्त बैठकमा अब संघर्षको मुख्य नारा गणतन्त्रको स्थापना हुनुपर्छ भनेर लिखित प्रस्ताव राख्ने व्यक्ति म आफैँ भएको गौतमले दाबी गरेका छन् । 

 

  • प्रकाशित मिति : जेठ १५, २०७८ शनिबार ११:९:४६,   अन्तिम अपडेट : जेठ १५, २०७८ शनिबार ११:१५:३३

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया