आइतबारबाट सुरु भएको बागमती प्रदेश सभाको वर्षे (बजेट) अधिवेशनको पहिलो बैठक शोक प्रस्ताव पारित भएर स्थगित भएको छ ।  

कोरोना संक्रमणबाट निधन भएका दोलखाका प्रदेशसभा सदस्य पशुपति चौलागाईंको निधनमा शोक प्रस्ताव पारित भएको हो । भोलि सोमबार बिहान ११ बजे सम्मको लागि बैठक स्थगित भएको सभामुख सानुकुमार श्रेष्ठले जानकारी दिए । 

आइतबार दिउँसो सबै प्रदेशसभा सदस्य, कर्मचारी र सुरक्षाकर्मीको कोरोना परीक्षण गरेर सुरु भएको प्रदेशसभाको बैठकमा सबै दलका नेताले आठौँ अधिवेशनको सुरुवातमा मन्तव्य दिने कार्यसूची थियो ।