लुम्बिनी प्रदेशका मुख्यमन्त्री तथा नेकपा एमालेका नेता शंकर पोखरेलले जनताको स्वास्थ्यप्रति सरकार संवेदनशील रहेको बताएका छन् । 

मुख्यमन्त्री पोखरेलले सामाजिक सञ्जालमार्फत सरकार जनताको स्वास्थ्यमा संवेदनशील रहेकाले राष्ट्रपति स्तरबाट कोरोना खोपका लागि अन्तर्राष्ट्रिय पहलहरू भइरहेको बताएका हुन् । 

मुख्यमन्त्री पोखरेलले राष्ट्रपतिको तहबाट भ्याक्सिनका लागि कुटनीतिक पहल हुनु जनताको स्वास्थ्यप्रति सरकार संवेदनशील रहेको प्रमाण भएको बताए । उनले उक्त काममा सफलताको कामना समेत गरेका छन् । 

यसअघि राष्ट्रपति विद्यादेवी भण्डारीले चीन, भारत, अमेरिका, रुसलगायतका राष्ट्रपतिलाई पत्र लेख्दै कोरोना खोप सहयोग गर्नका लागि आग्रह गरेकी थिइन् ।