पछिल्लो २४ घण्टामा नेपालमा कोरोनाका कारण ८१ जनाको मृत्यु भएको छ । सोही समयमा ४ हजार ३४४ जनालाई कोरोना भाइरस संक्रमण पुष्टि भएको छ । यस्तै सोही अवधिमा ५ हजार ७४८ जना संक्रमित निको भएका छन् ।

स्वास्थ्य तथा जनसंख्या मन्त्रालयका प्रवक्ता डा. कृष्ण पौडेलले दिएको जानकारी अनुसार आज काठमाडौं उपत्यकाका ९१५ कोरोना संक्रमित थपिएका छन् । जसमा काठमाडौंमा ६७९, भक्तपुरमा ८१ र ललितपुरमा १५१ जनालाई पोजेटिभ देखिएको छ ।

सक्रिय संक्रमितको संख्या घट्दै गएको छ, अहिले ८० हजार ३३६ जना संक्रमित आइसोलेसनमा छन् । पछिल्लो २४ घण्टामा १२ हजार ७४ पिसिआर र ४५६८ जनाको एन्टिजेन परीक्षण भएको छ । जसमा पिसिआरमा ३४४९ र एन्टिजेनमा ८९५ जनालाई पोजेटिभ देखिएको छ ।