नेपालमा कोरोना भाइरस संक्रमितको संख्या ६ लाख नाघेको छ। २०७७ माघ १० गते पहिलो पटक चीनबाट आएका एक युवकमा देखिएको संक्रमण डेढ वर्ष बित्दा ६ लाख नाघेको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार पछिल्लो २४ घण्टामा ३ हजार ७४९ जनामा कोरोना भाइरस संक्रमण देखिएको छ। यससँगै संक्रमितको संख्या ६ लाख १ हजार ६८७ पुगेको हो।
जसमध्ये ५ लाख १५ हजार ५१५ जना निको भइसकेका छन्। हालसम्म नेपालमा ८२ सय ३८ जनाले ज्यान गुमाएका छन्। मन्त्रालयले पछिल्लो २४ घण्टामै ५ हजार २९३ जना निको भएका जनाएको छ।
पछिल्लो २४ घण्टाको विवरणले नेपालमा मृत्युदर सयभन्दा तल झरेको देखाएको छ। मन्त्रालयका अनुसार आज एकै दिन ५९ संक्रमितले ज्यान गुमाएका छन्।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।