बागमती प्रदेशका  प्रमुख प्रतिपक्ष दल नेकपा माओवादी केन्द्रका नेता शालिकराम जमरकट्टेलले बागमतीको नीति तथा कार्यक्रम साहित्यकारको शब्द जाल जस्तो भएको बताएका छन् । प्रदेश प्रमुख विष्णु प्रसाद प्रसाईंले नीति तथा कार्यक्रम प्रस्तुत गरेपछि सञ्चारकर्मीहरूसँग बोल्दै नेता जमरकट्टेलले  नीति कार्यक्रम साहित्यकारको निबन्ध  जस्तो भएको बताए । 

उनले सुरुङ मार्गको कानुनी रूपमा औचित्य सकिसकेको अवस्थामा नीति तथा कार्यक्रममा आएकोमा आपत्ति प्रकट गरेका छन् । प्रदेशका पूर्व मन्त्री रहेका उनले प्रदेशवासीको हितमा नीति तथा कार्यक्रम नआएको भन्दै पास नहुने संकेत गरेका छन् ।