प्रधानमन्त्री केपी शर्मा ओलीका प्रेस सल्लाहकार तथा नेकपा एमालेका नेता सूर्य थापाले अदालतको फैसला स्वतन्त्र, निष्पक्ष र तटस्थ हुनुपर्ने बताएका छन् । 

थापाले सामाजिक सञ्जालमार्फत नेपालको राज्य प्रणालीले न्यायपालिकालाई स्वतन्त्र, निष्पक्ष र तटस्थ भूमिकामा स्थापित गरेको भन्दै अदालतको फैसला पनि त्यसैअनुरुप हुनुपर्ने बताए । 

थापाले कुनैपनि मुद्दामा पक्षका वकिलको छनोटमा इजलास बन्ने, चाहेजस्तो फैसलालाई क्याबात भन्ने र प्रतिकूल हुँदा रन्थनिँदै होस नै गुमाउने व्यवहार गलत भएको टिप्पणी गरेका छन् । 

सर्वोच्च अदालतले नेकपा एमालेको महाधिवेशन आयोजक समितिलाई अवैधानिक भनेपछि थापाले अदालतको फैसलामाथि टिप्पणी गरेका हुन् । उनले एकै माघले जाडो त जाँदैन भन्दै फैसलामाथि कटाक्ष गरेका छन् । 

नेपालकाे राज्यप्रणालीले न्यायालयलाई स्वतन्त्र, निष्पक्ष र तटस्थ भूमिकामा स्थापित गरेकाे छ। अदालतकाे फैसला त्यसैअनुरूप हुनुपर्छ। पक्षका वकिलकाे छनाेटमा इजलास बन्ने,चाहेजस्तो फैसलालाई क्याबात् भन्ने र प्रतिकूल हुँदा रन्थनिदै हाेसनै गुमाउने व्यवहार गलत हाे। एकै माघले जाडाे त जाँदैन।

— Surya Thapa (@ThapajiSurya) June 11, 2021