केकी अधिकारी नेपाली चलचित्र र म्युजिक भिडियो चर्चित नाम हो । अभिनेत्री अधिकारीले आफैले निर्माण गरेको फिल्म पनि छ, कोहलपुर एक्सप्रेस ।

यस्तै, उनको सहलगानी रहेको रियालिटी शो कमेडी च्याम्पियन्स नेपालको पहिलो मौलिक र सफल कमेडी रियालिटी शो हो । यी विभिन्न गतिविधिसँगै केकी आफ्नो स्वास्थ्यमा पनि निकै सचेत रहेकी छन् । 

जसको छनक उनले विपश्यना शिविरबाट दिएकी छन् । केकीले भर्खरै १० दिने विपश्यना सकेर फर्किएकी छन् । उनले सामाजिक सञ्जालमार्फत यसको जनकारी दिएकी छन् । 

पहिलो पटक विपश्यना ध्यानमा बसेको भन्दै केकीले आफूलाई अनौठो अनुभूति भएको बताएकी छन् । विपश्यनामा रहँदा आफूलाई आफ्ना समर्थक र फलोअर्सहरुको खुबै याद आएको पनि उल्लेख गरेकी छन् । 

केकीले लेखकी छन्, 'यहाँहरु साच्चै धेरै मेरो मन मस्तिष्कमा आउनुभयो । जीवनको अभिन्न पाटो भइसक्नुभएको रहेछ यहाँहरु ।' 

केकीले मनका धेरै कुरा साट्न बाँकी रहेको पनि बताएकी छन् । उनले लेखेकी छन्, 'साट्दै जानेछु । तर, त्योभन्दा अघि जान्न चाहन्छु, आरामै त हुनुहुन्छ नि ?'

१० दिने आर्यमौन विपस्सना(ध्यान शिविर)बाट आज मात्रै फर्किए । पहिलो अनुभव । अनौठो अनुभुति ।

यहाँहरु साच्चै धेरै मेरो मनमस्तिष्कमा आउनुभयो। जीवनको अभिन्न पाटो भइसक्नुभएको रहेछ यहाँहरु।

अरु धेरै मनकाकुरा साट्नुछ। साट्दैजानेछु। तर त्यो भन्दा अघि जान्न चाहन्छु, आरमै त हुनुहुन्छ नि?

— Keki Adhikari (@KekiAdhikari) June 12, 2021