नेपाली कांग्रेसका केन्द्रय सदस्य प्रदीप पौडेलले सर्वोच्चको आदेशले प्रधानमन्त्री केपी शर्मा ओलीलाई उनको हैसियत सम्झाइदिएको बताएका छन् ।
मंगलबार सर्वोच्चको अन्तरिम आदेशपछि सामाजिक सञ्जालमा टिप्पणी गर्दै उनले काम चलाउ सरकारले मन्त्रीमण्डल विस्तार गर्न नसक्ने सर्वमान्य विषय हुँदा हुँदै ओलीले संसदीय मर्यादाको समेत ख्याल नराखेको बताएका छन् ।
ओलीले दम्भका कारण आफ्नो विवेक गुमाए पनि अन्ततः अदालतले उनको हैसियत सम्झाइदिएको पौडेलको प्रतिक्रिया छ ।
कांग्रेस युवानेता पौडेलले सबै राजनीतिक मुद्दाको फैसला अदालतले नै दिनुपरेको भन्दै लाचार संसदलाई इतिहासले भने सधैँ प्रश्न गर्ने बताएका छन् ।
काम चलाउ सरकारले मन्त्रीमण्डल विस्तार गर्न नसक्ने सर्वमान्य विषय हो।तर,ओलीले संसदीय मर्यादाको समेत ख्याल राखेनन्।दम्भले आफ्नो विवेक गुमाए।अंततःअदालतले उनको हैसियत सम्झाईदिएको छ।विडम्बना,सबै राजनैतिक मुद्धाहरु अदालतलेनै फैसला दिनुपर्ने लाचार संसदलाई इतिहासले भने सधैं प्रस्न गर्नेछ
— Pradip Paudel (@paudelpradipNC) June 22, 2021
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।