छिमेकी मुलुक भारतमा कोरोना संक्रमितको संख्या ३ करोड नाघेको छ ।
पछिल्लो २४ घन्टामा थप ५० हजार ८४८ जनामा संक्रमण पुष्टि भएसँगै कुल संक्रमित हुनेको संख्या ३ करोड नाघेको हो ।
यसै गरी पछिल्लो २४ घन्टामा भारतमा थप १ हजार ३५८ जना संक्रमितले ज्यान गुमाएका छन् । यससँगै भारतमा हालसम्म ३ लाख ९० हजारभन्दा धेरैको ज्यान गएको छ ।
६८ हजार ५२९ जना संक्रमणमुक्त भइ घर फर्किएका छन् । ६ लाखभन्दा धेरै संक्रमितको उपचार चलिरहेको छ ।
पछिल्लो २४ घन्टामा भारतमा ५३ लाखभन्दा धेरैले कोरोना विरुद्धको खोप लगाएका छन् । सोमबार ८० लाखभन्दा धेरैले खोप लगाएका थिए ।
भारतमा अहिले १० प्रदेशमा पूर्ण लकडाउन गर्दा २१ राज्यमा भने आंशिक लकडाउन भइरहेको छ । तेलंगाना राज्यले भने जुन २० बाट लकडाउन पूर्ण रूपमा हटाइ देशकै पहिलो प्रदेश बनेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।